?

Log in

No account? Create an account

June 27th, 2016

Одна из самых ярких удмуртских поэтесс 21 века Настя Шумилова написала художественные тексты для сценария театрализованного представления «Пужым ягын - вӧсяськом, Кыз нюлэскын - ужалом,
Кызьпу арамаын – юмшалом!», прошедшего в рамках церемонии открытия праздника "Гербер-2016" на Бабьинских горах в Сюмсинском районе 25 июня 2016ого года (подробное описание и фото).


Вот эти тексты, некоторые из которых будут полезны работникам культуры во время подготовки праздника Гербер.

В прологе представления торжественно прозвучало:
Кемаласен та юмшанэ
Люкаськылӥз калык дэмен.
Азьло сямен ик куаш! вазе
Гербер.
Шумпотӥськом азьло сямен
Пумитаса ми ог-огмес.
Ужам бере - шутэтскон дыр,
Мылкыд - капчи, кырӟан - шулдыр!
Толон, туннэ но ӵуказе
Шулдыръяськы Удмурт шаер!

Уен-нуналэн ужаса,
Уно пӧсям ву кисьтыса,
Вылезлы улон сётӥз калыкмы -
Бусы ужъёс - йылпумъямын!
Ужам бере, тыршем бере
Кутскиськом  ми Герберез!

Вань выжыысь калыкъёсты
Пумиталом кырӟанъёсын,
Утялотомы перепечен,
Улон шулдыр, куке валче
Улӥськомы.
Куке ваньмы ми огзазьын,
Будэ калык кужым.

Тема леса (лесная тема стала основой концепции празднования Гербера в Сюмсинском районе, где 70% жителей заняты в лесном хозяйстве) в представлении была представлена вот так:


Ваньмыз, шуо, музъем бордысь потэ:
Музъем пушкы писпу лэзе выжы,
Музъем нюлэсъёслы сётэ кужым.
Кызьы тэльын трос писпуос будо артэ,
Озьы ик ми но тупаса мед уломы.

Чале, эшъёсы, ӵошен тэле мыном.
Пужым ягын - вӧсяськом,
Кыз нюлэскын - ужалом,
Кызьпу арамаын - юмшалом.
 
Мед возьматоз нюлэс
Ваньзэ вунэмзэ,
Ваньзэ ыштэмзэ.
Вашкалаосмылэсь
Визьнодзэс но данзэс берыктом,
Лульесмес буйгатом,
Кылзыса нюлэслэсь чуслыксэ.
Чале, эшъёсы, ӵошен тэле мыном.

Для эпизода, в котором руководителям делегаций было предложено посадить памятные ели, Настей были написаны благопожелания в адрес покровителя Природы - бога Куазя.

Дано ужъёсты инкуазьлэн юрттэмезтэк быдэстыны секыт. Соин котькуд ёросын Куазь мед юрттоз ӟеч ю-нянь будэтыны, медаз люкеты сое октыны-калтыны.


Алнашъёс, пургаос но можгаос ноку медаз ёрме шуныт зоръёслы!

Гракъёслэн, кизьнеръёслэн но вавожъёслы пудооссы тазаесь мед луозы!

Сюмсиослэн но сьӧлтаослэн но уваослэн амбаръёсазы тыраз ю-нянь люкаськоз!

Дэриослы, сарапулъёслы но камбаркаослы трос турын дасяны зоръёс медаз люкетэ!

Киясаос, каракулиноос но воткаослэн музъемзы мед уно ю-нянь вордоз!

Шарканъёслэн, якшур-бӧдьяослэн но эграослэн бусыоссы дыраз мед шепаськозы!

Дэбесъёс но кезъёс трос бакча емыш мед октозы!

Красногорскъёслы, юкаменскъёслы но яръёслы шунды шунытсэ жалятэк мед сётоз!

Глазовъёслэн но балезиноослэн ю-нянь октон-калтон ужъёссы вӧй вылтӥ кадь мед ортчозы!

Инмарлэн бакелезлы, Кылдысинлэн утемезлы, Куазьлэн юрттэмезлы оскыса, асьмеос но ужаломы вань кужмысь.

Гурт удысын ужасьёслэн азинсконъёссылы сӥзем кызъёс мед паськытэсь но ӝужытэсь луозы.

Соос будэмъя, калыклэн шуд-дэлетэз но мед будоз.

Лек тӧлъёс но медаз быгатэ та кужмо писпуосты погыртыны, мед соос кема сылозы, калыклэсь дано ужъёссэс возьматыса!

Озьы медло!

Для презентации Тэльтыммурта - сюмсинского мифологического персонажа, претендующего на роль персонажа брендового для Сюмсинского района, схожего по своей роли с шарканским Тол Бабаем:

Куке но тэль милемлы дор вал,
Нош ми - нылпиосыз тэльлэн,
Инмар - инкуазь, инбам - мудор, но... Ваньмыз ортчиз, лэся…

Тэле шергес кутским вуылыны,
вунэтӥськом йыбырттыны котькуд нунал инкуазьмылы.

Тэльтымуртмес но вунэтӥм,
Ӝожомыса со ас понназ Пуке, мӧзме нюлэс караз.

Оло, ӧтим ке, со кылоз?
Оло, пумитамы потоз?
Азьло сямен, арамаын ке юмшамы,
Оло, потоз Тэльтымурт дорамы?

Чале, эшъёсы, ӵошен тэле мыном.
Кызьпу арамаын – шулдыр юмшалом.

Эктом нылъёс, эктом пиос:
Тыпыр-тапыр каром пыдъёс
Но чабыны кутско киос,
Кырӟан вордске сюлэм пушкын,
Куке кызьпу арамаын
Люкаськиськом ми эшъёсын.

Арамалэн зынэз йырез
Поромытэ но кудӟытэ.
Я вай, эше, кидэ -
Каньсыратозь бергаломы.
Шунды сиос котырамы экто,
Кызьпу вайёс вискын чиль-дол пишто.

Жингрес куара киське котыр,
Берга сӧзул но берга йыр,
Вазё гуръёс,
Чабо киос,
Тыпыр-тапыр каро пыдъёс кызьпу арамаын,
Татын чигвесь жин-жин вазе,
Инкуазь но адями ваче экто дэмен.
Татын веська сюлэм.

Синъёс-а алдало я зэм?
Пумиськимы Тэльтымуртэн!

Вождэ эн вайы, Тэльтымурт!
Сёт милемлы байлык но шуд!
Музъемозь йыбырттыса,
Тау кариськом,
Инбаме учкыса,
Сӥзиськом:
Нюлэсэз гажаны,
Тэльёсты утьыны.
Тон но уть милемыз,
Вашкала  атаймы!